Number	1
Name	Մարկ-Անդրե Տեր Շտեգեն
Birthday	04/30/1992
Age	22
Team	Բարսելոնա
Position	Դարպասապահ
Joined	09/17/2014
Nationality	Germany

Մարկ-Անդրե տեր Շտեգենը Բարսելոնայի հետ պայմանագիր է ստորագրել 2014 թվականի ամռանը: Տեր Շտեգենը ծնվել է 1992 թվականի ապրիլի 30-ին Գերմանիայի Մյունխենգլադբախ քաղաքում: Տեր Շտեգենը 22 տարեկան է և համարվում է համաշխարհային ֆուտբոլի ամենախոստումնալից դարպասապահներից մեկը:

Մինչ Բարսելոնա տեղափոխվելը Մարկ-Անդրե տեր Շտեգենը հանդես է եկել միայն իր հարազատ քաղաքի` Մյունխենգլադբախի թիմում` Բորուսսիայում: Տեր Շտեգենը դեռ 4 տարեկան հասակում ընդունվել է Բորուսսիայի մարզադպրոց, իսկ արդեն 18 տարեկան հասակում իր դեբյուտը նշել առաջին թիմի կազմում: Դա 2011 թվականի ապրիլի 10-ն էր, Բունդեսլիգայի առաջնության 29-րդ տուրի` Քյոլնի հետ խաղում, որի ժամանակ Բորուսսիան հաղթել է մրցակցին 5-1 հաշվով: Բունդեսլիգայի առաջին 6 խաղերում Տեր Շտեգենը բաց է թողել միայն 3 գնդակ:

Տեր Շտեգենն իր վրա մեծ պատասխանատվություն է կրել դեռ վաղ տարիքից: Հետագա մրցաշրջանների ընթացքում Մարկ-Անդրե տեր Շտեգենը դարձավ Բորուսսիայի հիմնական դարպասապահը և արդեն 2011/12 մրցաշրջանում ճանաչվեց Բունդեսլիգայի լավագույն դարպասապահ: Ընդհանուր առմամբ, Տեր Շտեգենը Գերմանիայի առաջնությունում մասնակցել է 108 հանդիպման:

Գերմանիայի ազգային հավաքականում Տեր Շտեգենն իր դեբյուտը նշել է 2012 թվականին: 22 տարեկան հասակում Մարկ-Անդրե տեր Շտեգենն արդեն համարվում էր Գերմանիայի հավաքականի 2-րդ դարպասապահը, սակայն Գերմանիայի հավաքականի գլխավոր մարզիչ Յոահիմ Լյովը վերջին պահին որոշեց Մունդիալ 2014-ի հայտացուցակում չներառել Տեր Շտեգենին:

ԲՆՈՒԹԱԳԻՐ

Իր բարձր հասակի (189 սմ.) շնորհիվ Տեր Շտեգենը գերիշխում է 2-րդ հարկում, իսկ ոտքերով փայլուն խաղի շնորհիվ փրկում իր թիմերին անխուսափելի թվացող գոլերից: Տեր Շտեգենը, չնայած երիտասարդ տարիքին, ունի հիանալի ռեակցիա, մեծ խաղային փորձ և կատարյալ վստահություն իր գործողություններում: 

ՏԻՏՂՈՍՆԵՐ

2009 Եվրոպայի Մ17 հավաք. չեմպիոն

ԿԱՐԻԵՐԱ

2014 -         ՖԱ Բարսելոնա
2011 - 2014 Բորուսսիա Մյունխենգլադբախ
2009 - 2011 Բորուսսիա Մյունխենգլադբախ 2