Վերմալենը սկսել է մարզումները (16/03/2015)

Դեկտեմբերին վիրահատության ենթարկվելուց հետո Բարսելոնայի կենտրոնական պաշտպան Թոմաս Վերմալենն աստիճանաբար պատրաստվում է խաղադաշտ դուրս գալուն:

Իսպանական Sport պարբերականի հաղորդմամբ` Թոմաս Վերմալենն արդեն մի քանի շաբաթ է, ինչ մարզվում է Բարսելոնայի ֆիզիոթերապևտ Խոակին Վալդեսի հետ, ով շուրջ 1 ամիս պետք է պատրաստի բելգիացուն խոտածածկ դուրս գալուն և գնդակով մարզումներ անցկացնելուն:

Թոմաս Վերմալենի ապաքինումը սպասվածից ավելի արագ է ընթանում, ինչը ենթադրում է, որ արդեն ապրիլին Վերմալենը կարող է իր դեբյուտը նշել Բարսելոնայի կազմում: