Վալդես. Դե Խեան լավագույնն է աշխարհում (15/03/2015)

Դարպասապահն, ով ժամանակին հանդես է եկել Բարսելոնայում և պաշտպանել կատալոնական ակումբի դարպասը ակումբի պատմության լավագույն ժամանակաշրջանում, կարծիք է հայտնել աշխարհի ներկայիս լավագույն դարպասապահի մասին` նշելով, որ այժմ շատ մոտ է գտնվում նրան:

Վիկտոր Վալդեսի խոսքերով` իր համար մեծ պատիվ է հանդերձարանը կիսել իր կարծիքով աշխարհի լավագույն դարպասապահի` Դավիդ Դե Խեայի հետ:

"Դե Խեան ֆանտաստիկ մակարդակի վրա է գտնվում: Ես նրան տեսնում եմ ամեն օր, ես տեսնում եմ, թե ինչպես է նա մարզվում: Նա պարզապես փայլուն խաղ է ցուցադրում և վստահորեն կարող եմ ասել, որ լավագույն դարպասապահն է աշխարհում: Միայն ուրախ եմ, որ Մանչեսթեր Յունայթեդի երկրպագուները երգեր են նվիրում Դե Խեային", - ասել է Բարսայի նախկին դարպասապահը:

Խոսելով Լուի վան Գալի թիմում իր ունեցած դերի մասին, Վալդեսն ասել է. "Ես սպասում եմ իմ հնարավորությանը և դրա համար աշխատում եմ ամեն օր":