Ռեկորդների տեղատարափը շարունակվում է

Բարսելոնայի արգենտինացի հարձակվող Լիոնել Մեսսին Ռայո Վալյեկանոյի հետ խաղում հեղինակած հեթ-տրիկի շնորհիվ շրջանցեց Տելմո Սարրային` դառնալով պաշտոնական խաղերում իսպանական ակումբների կազմում ամենաշատը հեթ-տրիկի հեղինակ դարձած ֆուտբոլիստ:

Ստորև ներկայացնում ենք բոլոր այն ռեկորդները և ցուցանիշները, որոնք գրանցեց Բարսելոնայի հարձակվող Լիոնել Մեսսին Ռայո Վալյեկանոյի հետ խաղում:

• Իսպանական ակումբների կազմում Լիոնել Մեսսին միակ ֆուտբոլիստն է, ով դարձել է 32 հեթ-տրիկի հեղինակ: 24 անգամ Մեսսին հեթ-տրկի հեղինակ է դարձել Լա Լիգայում, 5 անգամ` Չեմպիոնների Լիգայում, 2 անգամ` Կոպա Դել Ռեյում, 1 անգամ էլ` Իսպանիայի Սուպերգավաթում: Այս ցուցանիշով Մեսսին գերազանցեց Տելմո Սարրային (31), Ալֆրեդո դի Ստեֆանոյին (28) և Կրիշտիանո Ռոնալդուին (27):

• Լա Լիգայում Լեո Մեսսին միակ ֆուբոլիստն է, ում հաջողվել է դառնալ 24 հեթ-տրկի հեղինակ: Այս ցուցանիշով Մեսսին գերազանցեց Կրիշտիանո Ռոնալդուին (23), Տելմո Սարրային (22), Ալֆրեդո դի Ստեֆանոյին (22) և Մունդոյին (19):

• Ռայո Վալյեկանոյի հետ խաղում Լիոնել Մեսսին իր 30-րդ գոլը խփեց Իսպանիայի առաջնության ընթացիկ մրցաշրջանում և այս ցուցանիշով հավասարվեց Ռեալի հարձակվող Կրիշտիանո Ռոնալդուին:

• 6-րդ մրցաշրջանում անընդմեջ Լեո Մեսսին հատեց 40 գոլի սահմանը: Այս պահին 2014/15 մրցաշրջանում արգենտինացու հաշվին 38 խաղում կա հեղինակած 41 գնդակ: