Պոգբան ընտրել է Բարսելոնան Պոգբան ընտրել է Բարսելոնան
Պոգբայի երազանքը` խաղալ Մեսսիի կողքին և տիտղոսներ նվաճել Բարսելոնայի կազմում, ամենայն հավանականությամբ իրականություն կդառնա 2016 թվականին:
Կատալոնական Բարսելոնան ներկա պահի դրությամբ չափազանց մոտ է Թուրինի Յուվենտուսի և Ֆրանսիայի ազգային հավաքականի կիսապաշտպան Պոլ Պոգբայի տրանսֆերը ձեռք բերելուն: Բարսելոնայի ղեկավարության և Պոգբայի գործակալ Մինո Ռայոլայի միջև կայացած վերջին հանդիպումը չափազանց մեծ հույս է տվել Խոսեպ Բարտոմեուի թիմին, քանզի Ռայոլան վստահեցրել է, որ Պոգբան ցանկանում է տեղափոխվել միայն Բարսելոնա և իրագործել իր մանկության երազանքը, դա է խաղալ Լիոնել Մեսսիի կողքին և տիտղոսներ նվաճել նրա հետ և հանուն այդ երազանքի իրականացման, Պոգբան պատրաստ է նաև հրաժարվել բարձր աշխատավարձից:
Բարսելոնան այս պահին բանակցություններ է վարում Յուվենտուսի հետ, սակայն հաշվի առնելով Չեմպիոնների Լիգայի եզրափակիչ հանդիպումը, բանակցությունները վերջնական և կարևոր փուլ կմտնեն հենց Բարսելոնա - Յուվենտուս հանդիպման ավարտից հետո: Անձամբ ինքը` Պոգբան, ևս Բարսելոնայի ներկայացուցիչներին խնդրել է սպասել մինչ ՉԼ եզրափակիչ հանդիպումը:
Պոլ Պոգբայի հետ համաձայնության գալու գործում մեծ դեր ունեցավ Բարսելոնայի մարզական խորհրդի անդամ Արիեդո Բրայդան, ով վերջին շաբաթների ընթացքում գտնվում էր Թուրինում և բանակցում էր ինչպես Պոգբայի և նրա գործակալի, այդպես էլ Յուվենտուսի ղեկավարության հետ:
Բարսելոնան պատրաստ է Յուվենտուսին վճարել ճիշտ այնքան գումար, որքան պահանջում է իտալական ակումբն իր կիսապաշտպանի համար` 80 միլիոն եվրո:
Բարսելոնայի համար միակ խնդիրը կայանում է ՖԻՖԱ-ի սահմանած տրանսֆերային արգելքի մեջ, որի պատճառով Պոգբան առաջիկա ամռանը չի կարող տեղափոխվել Բարսելոնա: Բարսելոնայում վստահ են, որ Պոգբայի ձեռքբերման մասին պաշտոնապես պետք է հայտարարվի առաջիկա շաբաթների ընթացքում, սակայն դեռևս որոշում չի կայացվել ֆուտբոլիստի տեղափոխման մանրամասների հարցում: Կամ Պոգբան կես մրցաշրջան վարձավճարով կանցկացնի Յուվենտուսում, այնուհետև ձմռանը կտեղափոխվի Բարսելոնա, կամ գալիք ամոբղջ մրցաշրջանը Պոգբան կանցկացնի Յուվենտուսում և միայն 2016 թվականի ամռանը կտեղափոխվի Բարսելոնա, կամ էլ ֆրանսիացին Բարսելոնա կժամանի հենց այս ամռանը և կես մրցաշրջան միայն մարզումներ կանցկացնի Բարսայի կազմում:
Բարսելոնայի հետ միասին Պոգբայի համար պայքարում է նաև անգլիական Մանչեսթեր Սիթին, սակայն ինչպես վստահեցրել է Պոգբայի գործակալ Մինո Ռայոլան` Պոգբային չի հետաքրքրում Մանչեսթեր Սիթիի առաջարկը:
Ինչ վերաբերվում է Մադրիդի Ռեալին, ապա Կառլո Անչելոտիի թիմը դուրս է մնացել Պոգբայի համար մղվող պայքարից:
|
| Մեկնաբանություններն ընդամենը՝: 0 | |
|
|
|
|
|
|
|
Չեմպ.լիգա 23.05.15, 20։30
«Օլիմպիաշտադիոն» մարզադաշտ
|
|
|
1:3
 
|
|
|
Յուվենտուս
|
|
Բարսելոնա
|
|
ԿՈՊԱ ԴԵԼ ՌԵՅ 30.05.15, 23։30
«Կամպ Նոու» մարզադաշտ
|
|
|
3:1
|
|
|
Բարսելոնա
|
|
Ատլ. Բիլբաո
|
|
ԿԱԶՄ
ՏԻՏՂՈՍՆԵՐ
ՄԱՐԶԱԴԱՇՏ
Ուղիղ եթեր
ԽԱՂԱՑԱՆԿԸ
ԼԱ ԼԻԳԱ 
ՉԵՄՊ․ ԼԻԳԱ
ԿՈՊԱ ԴԵԼ ՌԵՅ
ՏԵՍԱՆՅՈՒԹԵՐ
ԼՈՒՍԱՆԿԱՐՆԵՐ
Զինանշան
Կարգախոս
Օրհներգ
