Պիկե. «Հպարտ ենք «Բարսելոնայի» ձեռբերումներով»

«Բարսելոնայի» պաշտպան Ժերար Պիկեն կարծում է, որ իր թիմը կարող է հպարտանալ Իսպանիայի Գավաթի խաղարկության եզրափակիչ փուլ դուրս գալու համար: Հիշեցնենք, որ կիսաեզրափակչի պատասխան խաղում կատալոնացիները 3:1 հաշվով հաղթեցին  «Վիլյառեալին» եւ վերջին 7 տարիների ընթացքում 5-րդ անգամ դուրս եկան եզրափակիչ փուլ:

«Մենք լավ վիճակագրություն ունենք: Վերջին տարիներին փոքրիկ ճգնաժամեր ենք ունեցել, սակայն ընդհանուր առմամբ մեր ձեռքբերումները գովասանքի են արժանի: Հպարտ ենք այն ամենով, ինչ արել ենք վերջին ամիսների ընթացքում: Այժմ պետք է կենտրոնանանք Իսպանիայի առաջնության եւ Չեմպիոնների լիգայի հանդիպումների վրա: Ափսոս, որ Սերխիո Բուսկետսը վնասվածք ստացավ, հուսով ենք՝ նա շուտ կապաքինվի»,_ Պիկեի խոսքերն է մեջբերում AS-ը: