Մեսսին ֆուտբոլի պատմության լավագույն խաղացողն է. Լուիս Էնրիկե

Կատալոնական «Բարսելոնա»-ի գլխավոր մարզիչ Լուիս Էնրիկեն վստահ է, որ թիմի հարձակվող Լիոնել Մեսսին համաշխարհային ֆուտբոլի պատմության լավագույն խաղացողն է:

«Մեսսին աշխարհի լավագույն խաղացողն է: Իսկ ինձ համար նա լավագույնն է համաշխարհային ֆուտբոլի պատմության մեջ: Այդպիսի ֆուտբոլիստի ներկայությունը մեծ առավելություն է մեր թիմի համար: Միշտ հիացմունքով ենք հետևել Լեոյի ցուցադրած խաղին: Հուսով ենք` առաջիկայում ևս բավականություն կստանանք` դիտելով այդքան բարձրակարգ խաղ»,- Marca-ն մեջբերում է Լուիս Էնրիկեի խոսքերը:

Հիշեցնենք` Չեմպիոնների լիգայի գավաթի խաղարկության 1/8 եզրափակչում «Բարսելոնա»-ն 1:0 հաշվով առավելության է հասել «Մանչեսթեր Սիթի»-ի նկատմամբ և քառորդ եզրափակչի ուղեգիր նվաճել: Մեսսին գոլային փոխանցում է կատարել: