Կատալոնական «Բարսելոնա»-ի հարձակվող Լիոնել Մեսսին, ով դուբլ է ձևակերպել Չեմպիոնների լիգայի գավաթի խաղարկության կիսաեզրափակչի Մյունխենի «Բավարիա»-ի դեմ հանդիպմանը, խփած գոլերի քանակով մրցաշարի նոր ռեկորդ է սահմանել:

Լիոնել Մեսսին 77 գոլ է հեղինակել և շրջանցել Մադրիդի «Ռեալ»-ի հարձակվող Քրիշտիանու Ռոնալդուին, ով 76 գոլի հեղինակ է:

Հիշեցնենք՝ «Բարսելոնա»-ն «Բավարիա»-ին հաղթել է 3:0 հաշվով: Պատասխան խաղը կկայանա մայիսի 12-ին: