Լուիս Էնրիկե. «Չէինք սպասում, որ այդքան արագ գոլ կխփենք»

«Բարսելոնայի» գլխավոր մարզիչ Լուիս Էնրիկեն Իսպանիայի Գավաթի խաղարկության կիսաեզրափակչում «Վիլյառեալի» դեմ պատասխան հանդիպումից հետո (3:1) հայտարարել է, որ իր թիմը վերահսկում էր հանդիպումը: Կապտանռնագույնների մարզչի խոսքով, իրենք չէին սպասում, որ այդքան արագ գոլ կխփեն:

«Այժմ պետք է կենտրոնանանք մյուս հանդիպումների վրա: «Վիլյառեալի» հետ հանդիպումն ավելի լավ չէինք կարող պլանավորել: Չէինք սպասում, որ հենց առաջին պահը գոլով կավարտվի: Չէինք ցանկանում բաց հանդիպում անցկացնել, ցանկանում էինք վերահսկել խաղի ընթացքը: «Բարսելոնան» հասկանում էր, որ լարված պայքար է ընթանալու, սակայն մենք շատ ծայրահեղ պահեր չունեցանք, ցանկանում էինք հանդիպումը մեր ձեռքը վերցնել»,_ Էնրիկեի խոսքերն է մեջբերում Marca-ն: