Արգենտինայի հավաքականի և կատալոնական «Բարսելոնա»-ի հարձակվող Լիոնել Մեսսին կարող է դադարեցնել ելույթներն ազգային թիմում: Այդ մասին հայտնում է Olé-ը:
Ֆուտբոլիստը նման որոշում է կայացրել Ամերիկայի գավաթի խաղարկության եզրափակիչում Չիլիի ընտրանուց կրած պարտությունից հետո սուր քննադատության ենթարկվելու արդյունքում:
Նշվում է, որ Մեսսին նմանատիպ որոշում է կայացրել նաև աշխարհի 2006 թվականի առաջնությունից հետո, սակայն այն ժամանակ հարձակվողը բաց է թողել միայն մեկ ընկերական հանդիպում: Ենթադրվում է, որ Լիոնելը կարող է բաց թողնել սեպտեմբերին նախատեսված ընկերական խաղերն, ինչպես նաև աշխարհի 2018 թվականի ընտրական մրցաշարի շրջանակներում կայանալիք մի քանի խաղեր:
28-ամյա ֆուտբոլիստը 103 հանդիպում է անցկացրել Արգենտինայի հավաքականի կազմում և 46 գոլ է խփել:
|