Հարթը ֆենոմեն է. Լիոնել Մեսսի

Կատալոնական «Բարսելոնա»-ի հարձակվող Լիոնել Մեսսին խոսել է անգլիական «Մանչեսթեր Սիթի»-ի դարպասապահ Ջո Հարթի խաղի մասին, տեղեկացնում է ՈւԵՖԱ-ի պաշտոնական կայքը:

«Հարթն իրոք հիանալի հանդիպում անցկացրեց: Ես գիտեի, որ նա բարձրակարգ դարպասապահ է, սակայն այսօր դրանում համոզվեցի: Հարթն ամբողջ մարմնով պաշտպանում էր դարպասը:

Երջանիկ եմ, որ Ռակիտիչը գոլի հեղինակ դարձավ իմ փոխանցումը ստանալուց հետո: Կարևորն այն է, որ մենք կարողացանք դուրս գալ հաջորդ փուլ»,- հայտարարել է Մեսսին: