Չավիի ապագան` Քաթարու՞մ
Վերջին օրերի ընթացքում իսպանական մամուլն ակտիվորեն քննարկում է Բարսելոնայի կիսապաշտպան Չավի Էրնանդեսի ապագան: Խոսվում է այն մասին, որ Չավին արդեն իսկ պայմանագիր է կնքել քաթարական Ալ - Սադի հետ և ընթացիկ մրցաշրջանի ավարտից հետո կտեղափոխվի Քաթար: Ուշադրությամբ հետևելով լեգենդար կիսապաշտպանի ապագային վերաբերող ԶԼՄ-ների բոլոր գրառումներին, այսօր ցանկանում եմ ընդհանրացնել և վերլուծել դրանք:
Նախ խոսենք ամենակարևորի մասին. Չավիի` Քաթար տեղափոխության սկզբնաղբյուրը հանդիսանում է մադրիդյան AS պարբերականը: Գաղտնիք չէ, որ ամռանը Չավին ակտիվ բանակցություններ է վարել քաթարական միանգամից մի քանի ակումբների հետ, սակայն վերջնական համաձայնություն այդպես էլ ձեռք չի բերվել դրանցից և ոչ մեկի հետ: AS-ը վստահեցնում է, որ Չավին 3-ամյա պայմանագիր է կնքել Ալ - Սադի հետ և 2015 թվականի ամռանը կտեղափոխվի Քաթար, իսկ պայմանագրի ժամկետի ավարտից հետո որևէ պաշտոն կզբաղեցնի Ալ - Սադի համակարգում: Նույն AS-ն արդեն այսօր արդեն վստահեցնում է, որ Չավին կտեղափոխվի Քաթար, սակայն պայմանագրի ժամկետի ավարտից հետո ոչ թե պաշտոն կզբաղեցնի Ալ - Սադում, այլ կգլխավորի Քաթարի ազգային հավաքականը: Սա կարող է խոսել միայն ու միայն այն մասին, որ AS պարբերականը չունի որևէ հավաստի ինֆորմացիա կապված 35-ամյա իսպանացու ապագայի հետ:
Մադրիդյան պարբերականի լրագրողները նշում են, որ Չավին բանակցություններ է վարել Ալ - Սադի հետ շաբաթներ առաջ Քաթար կատարած ուղևորության ընթացքում: Հնարավոր է, որ Չավին Քաթարում հանդիպումներ ունեցել է Ալ - Սադի ղեկավարության հետ, սակայն պարզից էլ պարզ է, որ Չավին այդ նպատակով չէ, որ մեկնել էր Քաթար: Չավին Քաթարում մասնակցեց իր անվան մարզադպրոցի բացման արարողությանը, ինչից հետո հանդիպումներ ունեցավ իր հովանավորների հետ և վերադարձավ Բարսելոնա: Չավիի` Քաթար ուղևորությունը տևել է միայն 1-2 օր, իսկ այդ կարճ ժամանակահատվածում համաձայնության գալ և պայմանագիր կնքել որևէ ակումբի հետ, պարզապես բացառված է:
Անձամբ Չավին վերջին օրերին որևէ մեկնաբանություն չի տվել իր ապագային վերաբերող խոսակցություններին, սակայն մարտի 12-ին Բարսելոնայի պաշտոնական կայքին տված հարցազրույցի ժամանակ Չավին նշել էր. "Իհարկե, ես չեմ ափսոում նրա համար, որ ամռանը որոշել եմ մնալ Բարսայում: Ես այստեղ անցկացրել եմ 25 տարի, որից 17-ը` առաջին թիմում: Ես ինձ հպարտ և կարևոր եմ զգում այս թիմում: Կարող եմ ասել, որ այս պահին ես երջանիկ եմ": Թե ինչի մասին են խոսում Չավիի խոսքերը, դատեք ինքներդ:
Ամփոփելով այս ամենը, ցանկանում եմ նշել, որ դեռևս պետք է չէ հավատալ շշուկների, դա էլ այն դեպքում, երբ այդ շշուկները տարածվում են Մադրիդից: Ինչպես նշվեց, Չավին իրեն երջանիկ և կարևոր է զգում Բարսայում, և հաշվի առնելով այն, որ Բարսելոնան այս պահին համարվում է աշխարհի ուժեղագույն ակումբը և ռեալ ֆավորիտ է բոլոր 3 մրցաշարերում, որոնց մասնակցում է, դժվար թե թիմի համար այս կարևորագույն շրջանում Չավին որոշեր պայմանագիր կնքել Ալ - Սադի հետ և դա դարձնել հանրության քննարկման առարկա` խուճապ ստեղծելով ինչպես Բարսելոնայի ֆուտբոլիստների, այնպես էլ երկրպագուների շրջանում:
|
| Մեկնաբանություններն ընդամենը՝: 0 | |
|
|
|
|
|
|
|
Չեմպ.լիգա 23.05.15, 20։30
«Օլիմպիաշտադիոն» մարզադաշտ
|
|
|
1:3
 
|
|
|
Յուվենտուս
|
|
Բարսելոնա
|
|
ԿՈՊԱ ԴԵԼ ՌԵՅ 30.05.15, 23։30
«Կամպ Նոու» մարզադաշտ
|
|
|
3:1
|
|
|
Բարսելոնա
|
|
Ատլ. Բիլբաո
|
|
ԿԱԶՄ
ՏԻՏՂՈՍՆԵՐ
ՄԱՐԶԱԴԱՇՏ
Ուղիղ եթեր
ԽԱՂԱՑԱՆԿԸ
ԼԱ ԼԻԳԱ 
ՉԵՄՊ․ ԼԻԳԱ
ԿՈՊԱ ԴԵԼ ՌԵՅ
ՏԵՍԱՆՅՈՒԹԵՐ
ԼՈՒՍԱՆԿԱՐՆԵՐ
Զինանշան
Կարգախոս
Օրհներգ
