Բենզեմային չեզոքացնելը կենսական նշանակություն ունի մեզ համար. Պիկե

Մադրիդի «Ռեալ»-ի դեմ խաղից առաջ «Բարսելոնա»-ի պաշտպան Խերարդ Պիկեն կարծիք է հայտնել իր թիմի հաղթանակ տանելու հնարավորությունների մասին:

««Ռեալ»-ն այժմ իր լավագույն մարզավիճակում չէ, սակայն «կլասիկո»-ի համար դա էական նշանակություն չունի: Թիմերից յուրաքանչյուրը հաղթելու 50% հնարավորություն ունի: Քրիշտիանու Ռոնալդուն և Գարեթ Բեյլը շատ վտանգավոր են պայքարում: Իսկ Կարիմ Բենզեման հավասարակշռություն է հաղորդում նրանց խաղին` երբեմն անսպասելիորեն հայտնվելով տուգանային հրապարակում: Բենզեմային չեզոքացնելը կենսական նշանակություն ունի մեզ համար: Ջանք չենք խնայի խաղադաշտում»,- AS-ը մեջբերում է Պիկեի խոսքերը:

Հիշեցնենք` երկու գրանդերի դիմակայությունը կկայանա մարտի 22-ին կատալոնական ակումբի հարկի տակ: