«Բարսելոնա»-ն հետաքրքրվում է Վարանի ծառայություններով. Գործակալ

Կատալոնական «Բարսելոնա»-ի մարզչական շտաբը հետաքրքրվուամ է Մադրիդի «Ռեալ»-ի պաշտպան Ռաֆայել Վարանի ծառայություններով: Այս մասին հայտարարել է ՖԻՖԱ-ի գործակալ Ֆրանսուա Գալյարդոն:

« «Բարսելոնա»-ն հետաքրքրվում է Վարանի ծառայություններով: Եթե նրանք կարողանան ձեռք բերել Վարանի տրանսֆերը, կզարմացնեն ամբողջ աշխարհին, քանի որ դա հեշտ գործ չէ:

Վարանն այդքան էլ լավ չի զգում իրեն «Ռեալ»-ում, քանի որ ավելի շատ խաղաժամանակ է ցանկանում ստանալ: Բայց նրա դիրքում կան շատ բարձրակարգ 2 խաղացողներ»,- Գալյարդոյի խոսքերը մեջբերում է Bernabeu Digital-ը:

Իսպանիայի լա Լիգայի ընթացիկ մրցաշրջանում Վարանը մասնակցել է 18 հանդիպման: