«Բարսելոնա»-ի դեմ խաղը շատ կարևոր է «Սիթի»-ի և ինձ համար. Պելեգրինի

«Մանչեսթեր Սիթի»-ի գլխավոր մարզիչ Մանուել Պելեգրինին հայտարարել է, թե ինչ ակնկալիքներ ունի Չեմպիոնների լիգայի գավաթի խաղարկության 1/8 եզրափակչի «Բարսելոնա»-ի դեմ պատասխան խաղից: Առաջին հանդիպումը «քաղաքայիններ»-ն անցկացրել են սեփական հարկի տակ և պարտվել 1:2 հաշվով:

«Թիմում հիանալի մթնոլորտ է տիրում: Մենք դեռ երկրորդն ենք Անգլիայի առաջնությունում: Հզոր թիմ ունենք և հուսով ենք, որ կապացուցենք դա «Բարսելոնա»-ի դեմ հանդիպմանը: Ակնհայտ է, որ առաջին խաղում կրած պարտությունից հետո մեզ համար դժվար կլինի: Բայց «Բարսելոնա»-ի դեմ խաղն անչափ կարևոր է ինչպես «Սիթի»-ի, այնպես էլ անձամբ իմ համար:

Գիտենք, թե որքան հզոր է կատալոնական ակումբը: Մեսսին գերազանց մարզավիճակում է: «Կապտանռնագույններ»-ի յուրաքանչյուր ֆուտբոլիստ վտանգավոր է: Պետք է կարողանանք առաջինը գոլ խփել և հաղթել»,- Mirror-ը մեջբերում է Պելեգրինիի խոսքերը: