Հայտնի են Ամերիկայի գավաթի 2015 թվականի խաղարկության կիսաեզրափակչի բոլոր մասնակիցները: Քառորդ եզրափակչում Բրազիլիայի ընտրանու նկատմամբ առավելության հասած Պարագվայի հավաքականը կմրցակցի Արգենտինայի թիմի դեմ, իսկ երկրորդ զույգը կկազմեն Չիլիի և Պերուի ընտրանիները:

Չիլի-Պերու հանդիպումը կայանալու է հունիսի 30-ին, իսկ Արգենտինա-Պարագվայ դիմակայությունը` հուլիսի 1-ին: Երրորդ տեղի համար խաղն ու մրցաշարի եզրափակիչը կկայանան հուլիսի 4-ին:

Ներկայումս Ամերիկայի գավաթի խաղարկության լավագույն ռմբարկուներ են Չիլիի հավաքականի ֆուտբոլիստ Արտուրո Վիդալը և Պերուի ընտրանու խաղացող Խոսե Պաոլո Գերերոն, ովքեր 3-ական գոլ են գրանցել իրենց ակտիվում: