Ալվեսը որոշում չի կայացրել ապագայի հարցում (26/05/2015)

Կատալոնական Բարսելոնայի և Բրազիլիայի ազգային հավաքականի եզրային պաշտպան Դանի Ալվեսը երեկ կայացած մամլո ասուլիսի ժամանակ հայտարարել է, որ դեռևս որոշում չի կայացրել իր ապագայի հարցում:

"Շատերն ասում են, որ իմ որոշման հիմքում ընկած է փողը, սակայն ես վստահեցնում եմ, որ նման բան չկա: Բարսելոնայում ես ինձ գնահատված չեմ զգում: Այնուամենայնիվ, թիմի մարզիչները գոհ են իմ ցուցադրած խաղից:
 
Ապագայիս վերաբերյալ այժմ որևէ որոշում չեմ կայացրել: Չեմպիոնների Լիգայի եզրափակչից հետո մամլո ասուլիս կհրավիրեմ և կհայտարարեմ, թե ինչ որոշում եմ կայացրել", - ասել է Դանի Ալվեսը:
 
Հիշեցնենք, որ իսպանական ԶԼՄ-ները օրեր առաջ վստահեցնում էին, որ Դանի Ալվեսի և Բարսելոնայի ղեկավարության միջև ընթացող բանակցությունները մտել են փակուղի: