«Բարսելոնա»-ի հարձակվող Պեդրո Ռոդրիգեսը չի բացառում, որ առաջիկա մրցաշրջանում կարող է հեռանալ կատալոնական ակումբից: Այդ մասին հայտնում է El Mundo Deportivo-ն:
Տեղեկությունների համաձայն` Իսպանիայի հավաքականի ֆուտբոլիստը կփոխի ակումբային գրանցումն այն դեպքում, եթե կարիերան շարունակի Անգլիայի պրեմիեր լիգայում: Պեդրոն ձգտում է խաղային կայուն պրակտիկա ունենալ, իսկ «կապտանռնագույններ»-ի կազմում դա անել հեշտ չի լինի` հաշվի առնելով Լիոնել Մեսսիի, Նեյմարի և Լուիս Սուարեսի կարգի հարձակվողների առկայությունը:
Ավելի վաղ տարածված տեղեկությունների համաձայն` Պեդրոյի ծառայություններով հետաքրքրված է ՊՍԺ-ն: Ֆուտբոլիստը կատալոնական ակումբի հետ իր պայմանագրի ժամկետը երկարաձգել է մինչև 2019 թվականը:
|