Պարագվայի ընտրանու նկատմամբ 6։1 հաշվով հաղթանակից հետո Արգենտինայի հավաքականի հարձակվող Լիոնել Մեսսին հայտարարել է, որ չի անհանգստանում գոլ չխփելու կապակցությամբ։
«Այդքան էլ չեմ անհանգստանում, որ ոչ մի գոլ չեմ խփել։ Գերազանց խաղ անցկացրինք։ Արեցինք այն ամենը, ինչ նախորդ խաղերում էինք անում։ Հետապնդում ենք նույն գաղափարը։
Կատարել ենք առաջադրանքն ու դուրս եկել եզրափակիչ։ Հուզվում ենք չեմպիոն դառնալու մտքից։ Եզրափակչում դժվարին պայքար է սպասվում։ Ամենրիկայի գավաթը նվաճելը յուրատեսակ կլինի։ Շատ եմ ցանկանում տիտղոս նվաճել ազգային հավաքականի կազմում»։
Հիշեցնենք, որ եզրափակչում արգենտինացիների մրցակիցը Չիլիի հավաքականն է։
|