ԱՆՁՆԱԿԱՆ ՏՎՅԱԼՆԵՐ

• Անուն` Ժերեմի Մաթյե
• Դիրք` Պաշտպան
• Ծննդավայր` Լյուքսեուլ Լա Բայնս, Ֆրանսիա
• Ծննդյան ամսաթիվ` 29/10/1983
• Հասակ` 190
• Քաշ` 85
• Դեբյուտ` Բարսելոնա - Էլչե (3-0, Լա Լիգա), 24.08.2014
• Մաթյեն միացել է Բարսելոնային 2014 թվականի հուլիսի 23-ին` Բարսելոնայի և Վալենսիայի ձեռք բերած համաձայնության շնորհիվ: Ֆրանսիացին 5-ամյա պայմանագիր է կնքել Բարսելոնայի հետ Վալենսիայում 176 հանդիպումներ անցկացնելուց և 7 գոլ հեղինակելուց հետո:
  
  Մաթյեն իր պրոֆեսիոնալ կարիերան սկսել է իր ծննդավայր Սոուշաո թիմում որպես ձախ պաշտպան` Ֆրանսիայի առաջնությունում իր դեբյուտը նշելով 2002/2003 մրցաշրջանում: Սոուշաոյում 3 տարի մնալուց և ակումբի կազմում 97 հանդիպում անցկացնելուց հետո (հեղինակելով 13 գոլ) Մաթյեն տեղափոխվեց Տուլուզե, որտեղ դարձավ թիմի առանցքային ֆուտբոլիստներից մեկը, ով մասնակցեց 122 հանդիպման և հեղինակեց 5 գոլ:
  
  2009 թվականին 25 տարեկան հասակում Մաթյեն պայմանագիր կնքեց իսպանական Վալենսիայի հետ: Սկզբնական շրջանում ֆրանսիացին իր նոր թիմում ևս հանդես էր գալիս ձախ պաշտպանի դիրքում, սակայն 2012/13 մրցաշրջանում ստացած վնասվածքը փոխեց Վալենսիայի գլխավոր մարզչի ծրագրերը և վերջինս Մաթյեին սկսեց օգտագործել պաշտպանության կենտրոնում: Վալենիայում իր վերջին` 2013/14 մրցաշրջանում Մաթյեն մասնակցեց 46 հանդիպման (32 - Լա Լիգա, 10 - Եվրոպա Լիգա և 4 - Կոպա Դել Ռեյ) և դարձավ 4 գոլի հեղինակ:
  
  Ժերեմի Մաթյեն հանդիսանում է նաև Ֆրանսիայի ազգային հավաքականի ֆուտբոլիստ, որի կազմում մասնակցել է 10 հանդիպման` դեբյուտը նշելով 2011 թվականի նոյեմբերին: 
  
  ԲՆՈՒԹԱԳԻՐ
  
  Ֆիզիկապես ամուր ֆրանսիացին կարող է հանդես գալ պաշտպանության գրեթե բոլոր դիրքերում: իր բարձր հասակի (190 սմ.) շնորհիվ նա հիանալի խաղ է ցուցադրում 2-րդ հարկում և կարողանում է ճիշտ դիրքավորվել խաղադաշտում: Վերջին տարիներին Մաթյեն ձախ պաշտպանի դիրքից տեղափոխվել է կենտրոնական պաշտպանի գոտի, որտեղ իր մեծ արագության և տեխնիկայի շնորհիվ հիանալի արդյունքներ է գրանցում:
  
  ՏԻՏՂՈՍՆԵՐ
  
  ՖԱ Սոուշաո
  
  2004 Լիգայի գավաթ
  
  ԿԱՐԻԵՐԱ
  
  2014 -        ՖԱ Բարսելոնա
  2009 - 2014 ՖԱ Վալենսիա
  2005 - 2009 ՖԱ Տուլուզե
  2002 - 2005 ՖԱ Սոուշաո