| Number |
15 |
| Name |
Մարկ Բարտրա Արեգալ |
| Birthday |
01/15/1991 |
| Age |
24 |
| Team |
Բարսելոնա |
| Position |
Պաշտպան |
| Joined |
02/14/2010 |
| Nationality |
 Spain |
Մարկ Բարտրան ծնվել է 1991 թվականի հունվարի 15 - ին Տարագոնայում` Սան Խաումե դելս Դոմենիսում: Մինչ Բարսելոնա գալը, նա 1 մրցաշրջան անցկացրել է Էսպանյոլի ակադեմիայում: Լա Մասիա Բարտրան եկել է 11 տարեկան հասակում:
Այդ օրվանից նա շատ է աճել, առանձնանալով իր նրբագեղ խաղով կենտրոնական պաշտպանի դիրքում: Ֆուտբոլային առաջին քայլերը կատարելով Ալևին Ա - ում, նա խաղացել է Ինֆանտիլ Բ - ում և Ա - ում, Կադետա Բ - ում և Ա - ում, Խուվենիլ Բ - ում և Ա - ում: 2009/2010 մրցաշրջանում միացել է Բարսա Բ - ին, որի կազմում մասնակցել էր մի քանի հանդիպման դեռ այն ժամանակ, երբ խաղում էր Խուվենիլ Ա - ում: Այդ նույն մրցաշրջանում նա Խոսեպ Գվարդիոլայի կողմից հրավեր է ստացել առաջին թիմ, որի կազմում իր նորամուտը նշել է Ատլետիկո Մադրիդի դեմ խաղում, խաղալով իր համար անսովոր աջ պաշտպանի դիրքում:
Նա շարունակում էր պարբերաբար հրավերքներ ստանալ Գվարդիոլայի կողմից, երբ դեռ խաղում էր 2 - րդ թիմում: Նա մասնակցել է Լա Լիգայի ևս մի քանի հանդիպումների, խաղացել է Կոպա Դել Ռեյում և Չեմպիոնների լիգայում, հայտավորված է եղել 2011 թվականի ՈՒեմբլիի եզրափակչին, ինչպես նաև 2011/2012 մրցաշրջանի Կոպա Դել Ռեյի եզրափակչին:
Դրանից 1 տարի առաջ` 2011 թվականի մայիսի 21 - ին, նա խփել է իր առաջին գոլը Բարսելոնայի կազմում: Նրա գլխի հարվածից տուժել է Մալագան: Բարսա Բ - ի կազմում Բարտրան անցկացրել է 51 հանդիպում և խփել է 2 գնդակ:
Բարտրան Իսպանիայի մինչև 18 և 19 տարեկանների հավաքականների կազմում մասնակցել է Եվրոպայի առաջնություններին, իսկ մինչև 20 տարեկանների հավաքականի հետ խաղացել է Աշխարհի առաջնությունում, լինելով հավաքականի ավագը: Նա նաև հրավիրվում է Կատալոնիայի հավաքական:
ԲՆՈՒԹԱԳԻՐ
Բարձր վարպետության և 183 սանտիմետր հասակի համադրությունը բերել է նրան, որ Բարտրային հաճախ համեմատում են Պիկեի հետ: Նա շատ ուժեղ է 2 - րդ հարկում, լավ է վերահսկում գնդակը, լավ է կարդում խաղը, ինչը նրան թույլ է տալիս ապահովագրել իր թիկունքն ու իշխել նույնիսկ այն ժամանակ, երբ գնդակով չէ: Արագ, անվտանգ ու նվիրված պաշտպան:
ՏԻՏՂՈՍՆԵՐ
ՖԱ Բարսելոնա
2013/14 Իսպանիայի սուպերգավաթ
2012/13 Լա Լիգա
2010/11 Չեմպիոնների լիգա
2010/11 Լա Լիգա
2009/10 Լա Լիգա
ԿԱՐԻԵՐԱ
2011-12 Բարսելոնա
2010-11 Բարսելոնա Բ
2009-10 Խուվենիլ Ա / Բարսելոնա Բ
2008-09 Խուվենիլ Ա
2007-08 Խուվենիլ Բ
2006-07 Կադետա Ա
2005-06 Կադետա Բ
2004-05 Ինֆանտիլ Ա
2003-04 Ինֆանտիլ Բ
2002-03 Ալևին Ա
2001-02 Էսպանյոլի ակադեմիա
| 
ԿԱԶՄ
ՏԻՏՂՈՍՆԵՐ
ՄԱՐԶԱԴԱՇՏ
Ուղիղ եթեր
ԽԱՂԱՑԱՆԿԸ
ԼԱ ԼԻԳԱ 
ՉԵՄՊ․ ԼԻԳԱ
ԿՈՊԱ ԴԵԼ ՌԵՅ
ՏԵՍԱՆՅՈՒԹԵՐ
ԼՈՒՍԱՆԿԱՐՆԵՐ
Զինանշան
Կարգախոս
Օրհներգ
