| Number |
12 |
| Name |
Ռաֆայել Ալկանտարա դո Նասիմենտու |
| Birthday |
03/12/1993 |
| Age |
21 |
| Team |
Բարսելոնա |
| Position |
Կիսապաշտպան |
| Joined |
08/24/2014 |
| Nationality |
 Brazil |
2 Ալկանտարաներից կրտսերը ծնվել է 1993 թվականի մարտի 12-ին Բրազիլիայի Սան Պաուլո քաղաքում, չնայած նա ունի նաև Իսպանիայի քաղաքացիություն: Լեգենդար Մազինյոյի որդի Ռաֆայելը Իսպանիա տեղափոխվեց վաղ տարիքում, երբ իր հայրը դեռ հանդես էր գալիս Վալենսիայում, Սելտայում և Էլչեում: 2006 թվականին` 13 տարեկան հասակում Ռաֆինյան իր եղբոր` Տիագոյի հետ միասին ընդունվեց Բարսելոնայի Լա Մասիա մարզադպրոց:
Ռաֆինյան հարձակվողական ոճի կիսապաշտպան է, ով շատ վտանգավոր է մրցակցի տուգանային հրապարակում: Ռաֆինյան հաճախ աչքի չի ընկնում գոլերով, սակայն մշտապես ապահովում է դրանք` գոլային փոխանցումների տեսքով: Ռաֆինյան խաղացել է Իսպանիայի Մ16, Մ17 և Մ19 հավաքականներում, սակայն որպես իր վերջնական հավաքական ընտրել է Բրազիլիան, որի Մ20 տարեկանների հավաքականի կազմում մասնակցել է Կանահինայում կայացած հարավամերիկյան առաջնությանը:
Ռաֆինյան 2010/11 մրցաշրջանում խաղացել է Բարսելոնայի թե Խուվենիլ Ա, և թե Բարսելոնա Բ թիմերում: Բարսա Բ-ում Ռաֆինյան իր դեբյուտը նշել է Լուիս Էնրիկեի գլխավորությամբ` Մինիէստադիում կայացած Ժիրոնայի հետ խաղում: Մի քանի խաղ անցկացնելով Բարսա Բ-ում, Ռաֆինյան ապահովեց իր տեղը Բարսայի 2-րդ թիմի մեկնարկային կազմում և այլևս չվերադարձավ Խուվենիլ Ա:
Բարսա Բ-ում խաղալու ժամանակահատվածում Ռաֆինյան հասցրել է մի քանի խաղ անցկացնել նաև Բարսելոնայի առաջին թիմի կազմում: Ալկանտարան առաջին թիմում իր դեբյուտը նշել է Պեպ Գվարդիոլայի օրոք` 2011 թվականի նոյեմբերի 10-ին` Կոպա Դել Ռեյի շրջանակներում կայացած Հոսպիտալետի հետ խաղում, իսկ արդեն 1 ամիս անց Ռաֆինյան իր առաջին հանդիպումն անցկացրեց նաև Չեմպիոնների Լիգայում` Բատե Բորիսովի հետ խաղում (4-0):
Մինչ թիմից հեռանալը, Ռաֆինյան հասցրել է ևս 4 անգամ հանդես գալ առաջին թիմում: 2012/13 մրցաշրջանի ավարտին Ռաֆինյան համաձայնեց վարձավճարով տեղափոխվել իր հոր` Մազինյոյի նախկին թիմ` Սելտա, որտեղ մարզվեց Լուիս Էնրիկեի գլխավորությամբ:
Սելտա դե Վիգոյում Ռաֆինյան թիմի կիսապաշտպանության առաջատարն էր, ում վրա Լուիս Էնրիկեն կառուցում էր Սելտայի խաղը: 38 հնարավորից Ռաֆինյան խաղադաշտ է դուրս եկել 32 անգամ, որոնցից 28-ում` մեկնարկային կազմում: 32 խաղերում Ռաֆինյային հաջողվել է դառնալ 4 գոլի և ևս 5 գոլային փոխանցման հեղինակ: Փետրվար ամսին Իսպանիայի ֆուտբոլի ֆեդերացիան Ռաֆինյային ճանաչել է Լա Լիգայի ամսվա լավագույն ֆուտբոլիստ:
ԲՆՈՒԹԱԳԻՐ
Տաղանդավոր և ձախլիկ Ռաֆինյան հայտնի է թիմի գրոհներին ճիշտ ժամանակին միանալու հատկությամբ: Որպես կիապաշտպան Ռաֆինյան ղեկավարում է խաղի տեմպը: Վերջին մրցաշրջաններում Ռաֆինյան հայտնի է եղել որպես հիանալի ասիստենտ, սակայն հեղինակել է նաև բազմաթիվ գոլեր:
ԿԱՐԻԵՐԱ
2014 - ՖԱ Բարսելոնա
2013 - 2014 ՖԱ Սելտա (վարձավճար)
2011 - 2013 ՖԱ Բարսելոնա Բ
| 
ԿԱԶՄ
ՏԻՏՂՈՍՆԵՐ
ՄԱՐԶԱԴԱՇՏ
Ուղիղ եթեր
ԽԱՂԱՑԱՆԿԸ
ԼԱ ԼԻԳԱ 
ՉԵՄՊ․ ԼԻԳԱ
ԿՈՊԱ ԴԵԼ ՌԵՅ
ՏԵՍԱՆՅՈՒԹԵՐ
ԼՈՒՍԱՆԿԱՐՆԵՐ
Զինանշան
Կարգախոս
Օրհներգ
